Naa Main Bhagwan Hoon

Naa main bhagwan hu naa main shaitaan hun
Duniya jo chahe samjhe main to insaan hun

Mujhme bhalaai bhi mujhme buraai bhi
Laakhon hai mail din mein thodi safaai bhi
thoda sa nek hun thoda beimaan hun
Duniya jo chahe samjhe main to insaan hun

Naa koi raaz hai naa sar par taaj hai
Phir bhi hamare dam se dharti ki laaj hai
Tan ka gareeb hun man kaa dhanwaan hun
Duniya jo chahe samjhe main to insaan hun

Jeewan ka geet hai sur mein naa taal mein
Uljhi hai sari duniya roti ke jaal mein
Kaisa andher hai main bhi hairaan hun
Duniya jo chahe samjhe main to insaan hun