হম, সখি, দারিদ নারী

Hum, sakhi, daarid naari !
Janam abadhi hum piriti koranu,
Mochanu lochana-baari
Rupa naahi mama, kachhui naahi guna,
Dukhini aahira jaati,
Naahi jaani kachhu bilas-bhangim
Joubanagarabe maati.
Abala ramani, khudra hridaya bhari
Pirita karane jaani;
Ek nimikh pal nirakhi shyam jani,
Soi bahuta kari mani.
Kunjapathe jaba nirakhi sajani hum
Shyamaka charanka china,
Shata shata beri dhuli chumbi sakhi,
Ratana paai janu dina.
Nithura bidhata, e dukha-janame
Mangaba ki tua pash !
Janama abhagi, upekhita hum
Bahuta naahi kari aash, -
Dur thaki hum rupa heraiba,
Dure shunaiba bnaashi,
Dura dura rahi sukhe nirikhiba
Shyamaka mohana haasi.
Shyama-preyasi raadha ! Sakhi lo,
Abhagini guna hina.
Apan dukhe, sakhi hum royaba lo,
Nibhrite muchhaiba baari.
Kohi na jaanaba, kona bishade
Tan man dahe hamari.
Bhanu singha bhanaye, shuna kala,
Dukhini abala bala -
Upekhar ati tikhini baane
Na diha na diha jwaala.